Pinturas e debuxos

18.1.11

Earl Christy.

Outro ilustrador do século pasado que me gusta ; os seus retratos a pastel son fermosos.

9.1.11

Colectiva en Estrela do Ponto.

Patricia e Antonio (donos do local e grandes afeccionados) decidiron facer esta exposición colectiva , agora en xaneiro , como resumo de todo un ano, propiciando a xuntanza de todos os autores que expuxemos no pasado ano:

J. M. Blanco y Couto
César Fuentes
Eduardo Hermida
Pablo López
Regino Molina
Víctor Novás
Photos Narón
M. Luisa Rojo
José M. Sánchez
J.V. Vales
Eu levei este cadro, recén rematado.
A inauguración foi o pasado día catro e permanecerá ata o día 27.
Foi unha velada moi agradable.
Expresar o noso agradecemento a esta xove parella!

4.1.11

Que miras?

Retrato realista con pintura acrílica.

Medidas:50x50

Ano:2011.

Sinatura: JV. Vales.
Con esta obra participei, por primeira vez, no Cidade de Narón 2015.

31.12.10

FELIZ 2011 !!

Os mellores desexos para este novo ano!!

Rosa.

Acrílicos sobre lienzo.

Ano: 2010.
Medidas: 30x30
Sinatura: Aldara Pérez Vales (estudio cos acrílicos).

10.12.10

Exposición no Club de Tenis de Redes.

Este é o cartel que preparou Aldara para a exposición.

Feminino porque somos mulleres, as obras xiran arredor do universo feminino e Plural porque somos dúas, son varias as técnicas empregadas, varias as etapas nas que foron pintadas, etc.

O noso máis expresivo agradecemento á entidade pola súa xenerosidade e facilidades para montar a exposición.

18.11.10

Pementos

Boceto con acrílicos e ceras Manley sobre papel.

Medidas:

Ano: 2010.

Sinatura: JV. Vales.

23.10.10

ELAS- Exposición na Estrela do Ponto- Narón.

Dende hoxe 23 ata o 30 de novembro terei colgada a exposición Elas .

Antonio e Patricia, dous apaixonados das artes, que poñen o seu local á nosa disposición. Moitísimas grazas!!

29.9.10

Costas.

Estudio de mans feito cos pasteis sobre papel.

Medidas:

Ano: 2010.

Sinatura: APV (Aldara Pérez Vales).

17.9.10

Vales.

Retrato de Pepe Vales mozo, o meu pai,feito cos acrílicos sobre táboa .

Medidas:10F (55x46)

Ano: 2010.
Sinatura: JV. Vales.

Xa non está e a miña nai é coma se non estivese; creo que os retratos lles gustarían. O meu pai non chegou a ver ningún dos meus cadros, pero gustáballe a pintura e debuxaba moi ben.

Mentras o pintaba, o meu home bromeaba dicindo "segues co Paul Newman"; tiña un aire de galán de cine.

3.9.10

IV edición do Manuel Rebón.

O pasado 28 foi a clausura desta edición coa entrega de premios (todas as premiadas foron mulleres).
Eu levei "O sombreiro"; a exposición estivo aberta dende o 12 ao 26 de agosto.

28.8.10

Vita ( Victoria Álvarez Prieto).

Retrato cos acrílicos da miña nai adolescente, feito nunha gama monócroma. Regalo de cumpreanos.

(O día que lle levei o cadro recoñeceuse!! Despois de 5 anos de Alzheimer non se recoñece no espello, nin me coñece a min, pero no álbum de fotos si se recoñece nas fotos de xuventude, coñece ás suas amiga e ,curiosamente nas fotos de despois de casada, xa non coñece a ninguén)

Medidas: 10F -55x46.

Ano: 2010.

Sinatura: JV. Vales.

24.8.10

Moza africana 2 (serie África ).

Retrato , cos acrílicos sobre lenzo, dunha fermosa xove engalanada con vistosos colares de abalorios.

Medidas: 46x33.

Ano: 2010.

Sinatura: JV. Vales.

21.8.10

Home e natureza.

Nas estepas da república de Altái, unha das zonas máis recónditas da Rusia profunda, aínda poden atoparse persoas vivindo coma hai centos de anos: en plena natureza, loitando pola supervivencia, ... son os altaicos ,mestura de mongol e ruso.

(Necesitaba descansar un pouco dos retratos).

Acrílicos sobre lienzo.

Medidas:55x38.

Ano: 2010.

Sinatura:JV. Vales.